Við veitum alhliða birtingaþjónustu sem miðar að því að hámarka árangur markaðsstarfs og virði auglýsingafjármagns viðskiptavina. Birtingaáætlanir byggja á traustri fagmennsku og nýjustu upplýsingum um fjölmiðla og markaðinn. Sérmenntað og sérþjálfað starfsfólk nýtir þekkingu sína og reynslu við greiningar, ráðgjöf og eftirfylgni. Við gerum birtingaáætlanir fyrir auglýsingar í öllum miðlum: netauglýsingar, auglýsingar á samfélagsmiðlum, sjónvarpsauglýsingar, bíóauglýsingar og auglýsingar í öðrum myndmiðlum, prentauglýsingar, útvarpsauglýsingar og umhverfisauglýsingar. Birtingabrunnur og vefborðabrunnur auðvelda síðan viðskiptavinum yfirsýn, áætlanir og stýringu markaðsfjár.

Gerð birtingaáætlana byggir á traustum, tölulegum fjölmiðla- og markaðsupplýsingum ásamt langri reynslu og menntun starfsfólks auglýsingastofunnar. Takmarkið er einfalt: hámarksárangur með lágmarkskostnaði. Hvort sem markmið auglýsingar eða auglýsingaherferðar er meiri sala, öflug ímynd eða aukin vitund skiptir vönduð birtingaáætlun og rétt val á miðlum sköpum þegar kemur að árangri.

Birtingabrunnur ENNEMM er veftól sem við hönnuðum til að fá betri yfirsýn yfir markaðsherferðir og einnig til að gera viðskiptavinum kleift að skoða herferðina í heild eða flokka einstakar birtingar. Ekki aðeins eftir miðlum, tíma og tíðni, heldur eru auglýsingarnar sjálfar tengdar við upplýsingarnar í birtingabrunninum. Þannig má með einum smelli sjá hvaða útgáfa auglýsingar og hvaða skilaboð birtust hvar og hvenær.

Birtingaáætlun er fylgt eftir og árangur hennar metin frá upphafi til enda. Stöðugt mat á árangri er forsenda þess að hægt sé að aðlaga birtingarnar að veruleikanum hverju sinni og breyta áherslum ef þörf krefur svo birtingafjármagn nýtist sem best.

Við erum sérfræðingar í greiningu markaðsupplýsinga, bæði hvað varðar markhópa og miðla, en ekki síður þegar kemur að ímynd og stöðu vörumerkja eða neyslu og lífsstíl neytenda á öllum aldri.

ENNEMM auglýsingastofa veitir alhliða ráðgjöf um birtingar og í henni tengjast saman allir tiltækir snertifletir við markhópa og almenning: áþreifanlegir miðlar, stafrænir miðlar, samfélagsmiðlar og netmiðlar.

Vefborðabrunnur ENNEMM gerir okkur kleift að fylgjast með árangri vefauglýsinga í rauntíma. Þar fæst yfirlit yfir snertingar og gerð snertinga, hversu vel vefmiðill og vefauglýsing stendur sig í fjölda smella og gæðum smella eða aðgerða notenda. Það er því fljótlegt að bregðast við og stýra birtingum eða breyta skilaboðum til að hámarks árangur náist hverju sinni.