Það er gott að vita hvað er merkilegt

Þegar Maskína og MMR sameinuðu krafta sína fengum við það frábæra verkefni að vinna með þeim nýtt vörumerki og nýja ásýnd. Á einfaldan og augljósan hátt felur nýja merkið í sér bæði sameininguna og starfsemina. Í heildarútlitinu koma saman fjölbreytt form, frísklegir litir og skýr rammi um margbreytileg skilaboð sem endurspegla litróf samfélagsins sem Maskína rýnir í alla daga.

Splunkunýtt en samt svo kunnuglegt, eitthvað

Það er alltaf ákveðin jafnvægislist að sameina ólíka þætti undir einu merki. Hér voru ekki bara tvö frábær fyrirtæki að sameinast heldur þurfti nýja ásýndin að tala til fjölbreytts hóps viðskiptavina og almennings með einföldum, skýrum og áberandi hætti. Markmiðið var að nýta gott orðspor eldri vörumerkjanna og setja kúrsinn um leið beina leið inn í framtíðina.

DEILA VERKI