Pása

Í tilefni myrkra markaðsdaga þetta árið bauð Sorpa upp á pásu. Frá svörtum föstudegi, fram yfir netmánudag birtust pásutakkar á vefmiðlum, samfélagsmiðlum og í umhverfi sem leiddu grunlausa neytendur inn á vefsíðu, þar sem boðið var upp á hugleiðslu til að hreinsa hugann af neysluhyggju. Á síðunni var einnig að finna sláandi staðreyndir um það hversu miklu við Íslendingar sóum árlega.

Þú ert nóg og þú átt nóg

Hver hefur ekki fallið fyrir því að kaupa óþarfa bara af því að hann er á tilboði? Til að hvetja fólk til að hugsa sig aðeins um áður en það setti sig í kaupgírinn buðum við upp á ljúfa hugarró með votti af húmor. Við tókum fyrir algengustu hlutina sem keyptir eru á þessum dögum, sem eru raftæki og fatnaður, og buðum fólki að hreinsa hugsanirnar burt og minna sig á að það er nóg og það á nóg – því hamingjan kemur ekki frá nýjum hlutum.