— VERK

Minnum á kærleikann

Í jólaamstrinu er gott að minna á mikilvægi kærleikans sem jólahátíðin snýst um. Kærleikskúlan er ekki aðeins fallegur safngripur, heldur einnig uppspretta kærleika og gleði. Í ár var það þýska listakonan Karin Sander sem setti mark sitt á gripinn.

Kærleikskúlan 2022, Kúla með stroku, var afhjúpuð 7. desember og seld til 23. desember. Líkt og fyrri ár rennur allur ágóði af sölunni til sumarbúða fatlaðra barna og ungmenna í Reykjadal. Í ár – á 20 ára afmælisári Kærleikskúlunnar – kom einnig út sérútgáfa í takmörkuðu upplagi.

— VIÐSKIPTAVINUR

Styrktarfélag lamaðra og fatlaðra

— OKKAR HLUTVERK

— ÁSKORUNIN

Fegurðin skín í gegn

Hvernig er best vekja eftirtekt á og skapa eftirvæntingu fyrir Kærleikskúlunni enn eitt árið, þegar miðlar eru undirlagðir af jólaauglýsingum?

Það lá beinast við að leita til þeirra sem njóta góðs af sölu kúlunnar. Í stuttu kynningarmyndbandi segja Lúkas Garpur Auðunsson og Bryndís Thors af innlifun frá hugmyndinni á bak við Kærleikskúluna og útgáfu ársins. Fegurðin í frásögn barnanna og hönnun kúlunnar hrífur áhorfandann. Fegurðin endurspeglast einnig í stílhreinum auglýsingum sem birtust á prenti, í sjónvarpi og netmiðlum þar sem Kærleikskúlan fær að njóta sín.

Í einfaldleika sínum hittir Kærleikskúlan fólk í hjartastað með skýrum skilaboðum um það sem mestu máli skiptir í lífinu, að elska og gleðjast.

DEILA VERKI