„Við viljum vera hjá þér“ er herferð sem hönnuð var til að kynna fjölbreytta flóru fjölmiðla og allt það besta sem miðlar Sýnar hafa upp á að bjóða. Í kvikmyndaðri auglýsingu, sem Fannar Sveinsson leikstýrði, fylgjum við venjulegri fjölskyldu í gegnum daginn. Við sjáum hvernig fjölmiðlafólkið er með þeim – og „dettur inn“ úr Sýnar-heiminum hér og þar, bæði á förnum vegi og heima í stofu. Allt þetta bindur Sálar-lagið hugljúfa „Hjá þér“ saman, því miðlar Sýnar vilja jú vera hjá okkur öllum – allan daginn! Myndir af fjölmiðlafólkinu sem svífur um í Sýnar-heiminum stækka umfang herferðarinnar og njóta sín vel, bæði í stafrænum miðlum, á prenti, skiltum og í öðrum umhverfisauglýsingum.